Salisjaanske See | ||
![]() | ||
In satellytfoto fan 'e Salisjaanske See. | ||
geografy | ||
type wetter | rânesee | |
lokaasje | tusken Vancouvereilân, it Olympysk Skiereilân en it fêstelân fan Britsk-Kolumbia en Washington yn | |
lân | ![]() ![]() | |
koördinaten | 48°21′N 123°11′W | |
ûnderdiel fan | Stille Oseaan | |
sifers | ||
maks. lingte | 394 km | |
maks. breedte | 58 km | |
oerflak | 14.000 km² |
De Salisjaanske See (Ingelsk: Salish Sea), is de beneaming foar in yngewikkeld stelsel fan seestrjitten en wetterwegen foar de westlike kust fan Noard-Amearika. De see makket diel út fan 'e Stille Oseaan, en leit tusken Vancouvereilân, it Olympysk Skiereilân en it fêstelân fan 'e Kanadeeske provinsje Britsk-Kolumbia en de Amerikaanske steat Washington yn. De namme 'Salisjaanske See' waard yn 2009 ynfierd, en ferwiist nei de Yndiaanske Kust-Salisjaanske folken, dy't al tûzenen jierren lang oan 'e ûnderskate kusten fan 'e see wenje.