Back Saterfries Afrikaans Frisón oriental AN Sealterisc sprǣc ANG فريزية سيترلاند Arabic Усходнефрызская мова Byelorussian Усходнефрыская мова BE-X-OLD Сатерландски фризийски език Bulgarian Frizeg ar reter Breton Frisó oriental Catalan Sater-fríština Czech
| Sealterfrysk | ||
| algemien | ||
| oare namme(n) | Sealterlânsk, Sealtersk, Eastfrysk | |
| eigen namme | Seeltersk | |
| lânseigen yn | Dútslân | |
| tal sprekkers | 1500-2.500 | |
| skrift | it Latynske alfabet | |
| taalbesibskip | ||
| taalfamylje | Yndo-Jeropeesk - Germaansk - Westgermaansk - Noardwestgermaansk - Frysk - Eastfrysk - Iemsfrysk - Sealterfrysk | |
| dialekten | Roomelsesk, Schäddelsk, Strukeljesk | |
| taalstatus | ||
| offisjele status | it Sealterfrysk genietet yn Dútslân erkenning as minderheidstaal | |
| taalkoades | ||
| ISO 639-1 | n.f.t. | |
| ISO 639-2 | frs | |
| ISO 639-3 | stq | |
It Sealterfrysk, ek wol Sealterlânsk of Sealtersk neamd, is in taal dy't heart ta de Noardwestgermaanske kloft fan de Westgermaanske talen. It is it iennichste noch libbene dialekt fan it Eastfrysk, dat eartiids yn alle Eastfryske lannen fan de Iems oant de Weser sprutsen waard. Mei it Westerlauwersk Frysk en it Noardfrysk foarmet it de Fryske taalgroep.
It Sealterfrysk wurdt sprutsen yn de gemeente Sealterlân (Dútsk: Saterland), yn it noardwesten fan de dielsteat Nedersaksen, bewesten de stêd Aldenboarch, sa'n fyftich km fan de Nederlânske grins by Nijeskâns ôf. Sealterlân, dat in gebiet fan 123 km² beslacht, heart ta de Landkreis Kloppenboarch, yn de regio Aldenboarger Múnsterlân. It oantal sprekkers wurdt rûsd op 1500-2500, wat krapoan 20% fan de befolking fan it Sealterlân beslacht.
Histoarysk is it Sealterfrysk fuortkommen út it Aldfrysk, mar de skiednis fan it skreaune Sealterfrysk hat syn oarsprong yn de 19e iuw. It Sealterfrysk hat dialekten, elk doarp dat oarspronklik Sealterfrysktalich is hat ien, mar de ferskillen binne tige lyts.