Swahily Waswahili | |
---|---|
Ferneamde Swahily; bopp. rige f.l.n.rj.: Najib Balala, Ali Hassan Mwinyi, Abeid Karume; 2e rige: Ali Mazrui, Zakia Meghji, Amani Abeid Karume; 3e rige: Salim Ahmed Salim, Tippu Tip, Seif Sharif Hamad. | |
flagge | |
populaasje | |
oantal | 2.000.000 (2009) |
taal | Swahily |
godstsjinst | islaam |
erkenning | |
steatsdragend folk | ● Tanzania: ● Republyk Sansibar |
erkende minderheid | gjin spesifike erkenning |
fersprieding | |
Tanzania: | 1.600.000 |
Somaalje: | 164.000 |
Kenia: | 111.000 |
Omaan: | 22.000 |
Mozambyk: | 10.000 |
oare lannen: | 100.000 |
De Swahily (Swahily: Waswahili) foarmje in etnyske groep dy't yn East-Afrika oan 'e kusten fan 'e Yndyske Oseaan wennet. Harren heitelân, de saneamde Swahilykust, omfiemet de kustgebieten fan Kenia en Tanzania (mei yn 't bysûnder Sansibar), it súdeasten fan Somaalje en it noardeasten fan Mozambyk. De taal fan 'e Swahily, dy't ek Swahily hjit, is in Bantoe-taal fan 'e Niger-Kongoleeske taalfamylje, dy't sûnt de koloniale tiid yn East-Afrika rûnom brûkt wurdt as lingua franca, en sadwaande in offisjele status hat yn Tanzania, Kenia en Oeganda. Neffens gegevens út 2007 wiene der doe sa'n 2 miljoen etnyske Swahily.