Waadwert (Nederlânsk en offisjeel: Wadwerd) is in buorskip yn de gemeente It Hegelân yn de provinsje Grinslân. Hy leit krekt benoarden de N363 tusken Warffum en Usquert. De namme ferwiist nei in wier oan it Waad.
De wierde datearret út de iere midsiuwen en wurdt foar it earst neamd om it jier 1000 hinne yn de goedlisten fan de Abdij fan Werden as Uuatuurd. Yn deselde list wurdt oars ek in plak UUahcuurd neamd. Yn de wierde is in Karolingysk wapengrêf fûn. [1] De wierde waard yn 1845 ôfgroeven omdat dy it útsicht hindere fan lânbouwer H.K. Welt.
Waadwert bestiet út mar ien trochgeande wei. Oan de noardkant fan de wei steane kapitale hearebuorkerijen. Oan de súdkant stiet in oantal eardere arbeiderswenningen.
Boarnen, noaten en/as referinsjes: |
|