Back Infanterie Afrikaans Infantería AN مشاة (عسكرية) Arabic Infantería AST Piyada (qoşun növü) Azerbaijani Infanterie BAR Пяхота Byelorussian Пяхота BE-X-OLD Пехота Bulgarian Pješadija BS
De ynfantery (fan it Frânske infanterie), foarhinne ek wol it fuotfolk neamd, is in ûnderdiel fan 'e lânmacht fan 'e legers fan alle lannen. It omskriuwt dy legerûnderdielen wêrfan't de soldaten te foet fjochtsje. De ynfantery hat it op it slachfjild yn 'e regel it swierst te ferduorjen en lijt ornaris de grutste ferliezen yn 'e striid.
De ynfantery ûnderskiedt him fan 'e oare beide tradisjonele lânmachtûnderdielen, de artillery (it swiere geskut) en de kavalery (foarhinne it hynstefolk, no de tanks en loftmobile troepen). Histoarysk sjoen is de ynfantery de âldste fan dy trije ûnderdielen, en ek hjoed de dei noch is de ynfantery foar in leger fan grutte wearde, mei't soldaten har geandefoets yn gebieten en op terreinen bejaan kinne dy't ûntagonklik binne foar ridend materieel (bergen, sompen, oerwâlden, ensfh.).
Moderne ynfantery beweecht him meastal net mear geandefoets fuort fan it iene slachfjild nei it oare, mar wurdt oer lân ferfierd mei meganisearre transport (legerfrachtweinen), oer wetter mei amfibyske lâningsfartugen, of troch de loft yn helikopters.