Is polaiteoir Breatnach é Mark Drakeford (19 Meán Fómhair 1954 a rugadh é) atá ag feidhmiú mar Chéad- Aire na Breataine Bige ón bhliain 2018. Roimhe sin bhí sé ina Cheannaire ar Lucht Oibre na Breataine Bige ó 2018 go 2024, agus i Rialtas na Breataine Bige mar Rúnaí Comh-aireachta Airgeadais ó 2016 go 2018 agus mar Aire Sláinte agus Seirbhísí Sóisialta ó 2013 go 2016. Toghadh Drakeford den chéad uair mar Chomhalta den Senedd (CS) do Gorllewin Caerdydd (Caerdydd Thiar) sa bhliain 2011 agus meastar go bhfuil sé ar an eite chlé bhhog den Lucht Oibre.
Rugadh Drakeford i Caerfyrddin in Iarthar na Breataine Bige (Gorllewin Cymru). Rinne sé staidéar ar an Laidin in Ollscoil Kent agus in Ollscoil Exeter . Bhí sé ina léachtóir i gColáiste Ollscoile Abertawe (Prifysgol Abertawe) ó 1991 go 1995 agus ag Ollscoil Caerdydd (Prifysgol Caerdydd) ó 1995 go 1999. Bhí sé ina Ollamh le Beartas Sóisialta agus Eolaíochtaí Sóisialta Feidhmeacha in Ollscoil Caerdydd ó 2003 go 2013.
Toghadh Drakeford i dtoghchán Thionól Náisiúnta na Breataine Bige 2011 do Caerdydd Thiar (Gorllewin Caerdydd). Sa bhliain 2013, cheap an Príomh-Aire Carwyn Jones Drakeford ar Rialtas na Breataine Bige mar Aire Sláinte agus Seirbhísí Sóisialta. Bhí sé ina Rúnaí Comh-Aireachta Airgeadais ó 2016 go 2018 agus ina Aire Breatimeachta ó 2017 go 2018. Sa bhliain, toghadh é chun teacht i gcomharbacht ar Jones mar Cheannaire Lucht Oibre na Breataine Bige agus mar Chéad-Aire. Bhí sé i gceannas ar fhreagra Rialtas na Breataine Bige ar an bpaindéim COVID-19. I dtoghchán an tSeanaid 2021, ba é Drakeford a bhí i gceannas ar Lucht Oibre na Breataine Bige nuair a bhain an páirtí 30 suíochán amach, tromlach oibre, agus athcheapadh é ina Chéad Aire.
D'éirigh sé as a phost i Márta 2024 mar Cheannaire Lucht Oibre na Breataine Bige agus mar Chéad-Aire. Mar thoradh air sin, reáchtáladh toghchán ceannaireachta, agus ba é Vaughan Gething an buaiteoir, a rinneadh ina chéad aire eile i mí an Mhárta 2024.