Back Annals de Tigernach Catalan Tigernachovy anály Czech Annalen von Tigernach German Annals of Tigernach English Anales de Tigernach Spanish Annales de Tigernach French Annála Tiarnaigh Irish דברי ימי טיגרנאך HE Tawarikh Tigernach ID Annali di Tigernach Italian
Os Anais de Tigernach (abrev. AT) é unha crónica, probabelmente orixinaria de Clonmacnoise, Irlanda. A linguaxe é unha mestura de latín e irlandés antigo e medio.
Moitos dos rexistros prehistóricos proveñen do manuscrito do século XII, Rawlinson B 502.[1] Porén, a real importancia da crónica refírese ós períodos de 489-766, 973-1003 e 1018-1178.[1] Eses tres fragmentos son orixinarios do manuscrito do século XIV Rawlinson B 488.[1] A cobertura do período 766 até 973 está perdida, mais pénsase que existe de forma reducida na Chronicon Scotorum (abrev. CT). Esta última non abrangue o período de 718 a 804, mais como moito do seu contido deriva da hipotética Crónica de Irlanda, e non dos Anais do Ulster (abrev. AU) e dos Anais de Inisfallen (abrev. AI), é posible ter unha idea do que coteñen os relatos.[1] Kathleen Hughes postula que a AU e AT diverxiron da Crónica de Irlanda algún tempo antes do ano 913.[1]
A crónica debe o seu nome moderno a Tigernach Ua Braín (morto en 1088), abade de Clonmacnoise, mais iso non significa que fose tamén seu autor. A nota engadida á entrada de 1088, ano da súa morte, en Rawlinson B 488 afirma que o texto foi escrito por Tigernach até aquel punto. Se el non máis que o escriba do texto orixinal copiado no século XIV, pode significar que el foi un dos analistas responsábeis polo traballo.[2]