Ankhesenamon

Ankhesenamon

Biografía
Nacemento	1348 a. C. Tebas, Exipto
Morte	1322 a. C. (25/26 anos) Menfis, Exipto
Lugar de sepultura	Val dos Reis
Great Royal Wife (en)
Título real no antigo Exipto
Actividade
Ocupación	raíña
Outro
Título	Great Royal Wife (en)
Familia	Dinastía XVIII de Exipto
Cónxuxe	Tutankamon y Ay
Fillos	Momia 317b, momia 317a, Ankhesenpaaten Tasherit
Pais	Akhenatón   e Nefertiti
Irmáns	Tutankhamon Neferneferuaten Tasherit Neferneferure Setepenré Meritaten Tasherit Ankhesenpaaten Tasherit Meritaten Meketaten

Ankhesenamon (tamén coñecida como Ankesenamón ou Anjesenamón) foi a terceira das seis fillas de Akhenatón e da súa Grande Esposa Real Nefertiti. O seu nome significa a que vive por Atón. Descoñécese a data exacta do seu nacemento, pero é probable que fose a primeira das princesas reais que nacese na recentemente fundada capital de Exipto, Amarna.

Aparece en moitas representacións, acompañada sempre dos seus pais, Akhenatón e Nefertiti, así como das súas dúas irmás máis vellas. Crese ademais que, e un certo momento de finais do reinado do seu pai, foi casada con el mesmo, e ata se fala da existencia dunha filla nacida deste incesto real, de nome Ankhesenpaatón-Tasherit.

Sexa como for, á morte do seu pai, contraeu matrimonio co príncipe TutankhAtón, irmán ou fillo de Akhenatón, converténdose así na Grande Esposa Real, en 1327 adC. Cando o seu esposo restableceu o culto a Amón e reabriu os templos, tras a revolución relixiosa que levou a cabo o seu pai, ambos cambiaron os seus nomes, sendo respectivamente Tutankhamon e Ankhesenamon.

O paso pola historia desta raíña exipcia foi breve. Ao quedar viúva cando Tutanjamón morreu no ano 9 do seu reinado, casou co seu avó Ay e logo desaparece dos documentos exipcios. Isto fixo pensar que ela puido ser a raíña viúva que escribiu unha carta aos hititas, os acérrimos inimigos dos exipcios, solicitando un príncipe co que casar e co que se converterían na nova parella real. É o caso de Dahamunzu.

A repentina subida ao trono de Ay fixo pensar que foi tras desbaratar aquela insólita conxura, e é lóxico que a raíña viúva Ankhesenamon fose silenciada e ata eliminada pola súa traizón. Aínda así, aínda está por descubrir a identidade desta raíña, e formuláronse outras hipóteses, como as de Nefertiti (a que cobra máis forza ultimamente) ou Meritatón, a maior das fillas de Nefertiti e Akhenatón.