Asiana Airlines

Asiana Airlines
IATA OZ	OACI AAR	Indicativo ASIANA
Fundación		17 de febreiro de 1988
Plan de voo frecuente		Asiana Club
Alianza		Star Alliance
Subsidiarias		Air Busan Asiana IDT
Frota		80
Destinos		96 (incluída carga)
Holding		Kumho Asiana Group
Páxina web: http://flyasiana.com/

Este artigo amosa escritos coreanos. Sen o soporte axeitado, o texto pode mostrar símbolos sen sentido, coma caixas, marcas e outros.

Asiana Airlines Inc. (hangul: 아시아나 항공; RR: Asiana Hanggong; antigamente Seoul Airlines) é unha das dúas maiores aeroliñas de Corea do Sur, xunto con Korean Air. Asiana ten a súa sede no Asiana Town en Osoe-dong, Gangseo-gu, Seúl. A compañía ten o seu centro de operacións doméstico no aeroporto internacional de Gimpo, e o centro de operacións internacional no aeroporto internacional de Incheon, a 70 quilómetros do centro de Seúl.

Asiana é membro da alianza Star Alliance e ofrece 516 voos diarios a Asia, Europa, Norteamérica e Oceanía, operando 14 rutas domésticas e 85 internacionais de pasaxeiros e 20 de carga.