Atenea

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2013.)

Atenea

Nome orixinal	(grc) Ἀθηνᾶ
Biografía
Nacemento	Olimpo
Residencia	Olimpo
Actividade
Ocupación	deidade da guerra, deidade da sabedoría, deidade da arte, deidade da artesanía
Celebración	Relixión da Grecia antiga
Símbolo iconográfico	Casco, Éxida, Oliveira, gorgoneion e Curuxa
Patrón de	Sabedoría, guerra, tecemento, Olaría e agricultura
Familia
Fillos	Coribante, Hixía (mitoloxía)
Pais	Zeus   e Métis Coryphe
Descrito pola fonte	Grande Enciclopedia Soviética (1926—1947) Literary Encyclopedia 1929—1939 (en) , (vol:1, sec:Афина), Paulys Realenzyklopädie der klassischen Altertumswissenschaft

Atenea é a filla de Zeus e de Metis, chamada posteriormente polos romanos Minerva. É unha das seis deusas principais do panteón grego clásico. Deusa da sabedoría, gardiá da xustiza e das leis. Aínda que é unha deusa virxe actúa como nai adoptiva de heroes como Perseo e Teseo, e é adorada desde moi antigo como patroa de Atenas, onde se construíu o Partenón, o Erecteión e os Propileos para adorala. Nos mitos clásicos nunca tivo consorte ou amante, e por iso a miúdo era coñecida como Atenea Partenos ("virxe").

Represéntase coa armadura hoplítica, é dicir, coa lanza, o casco e a éxida (especie de coraza de pel de cabra). Na éxida hai representada a cabeza da gorgona Medusa, que lle dera Perseo. O seu nacemento foi accidentado, pois Zeus, tras deixar preñada a Metis, e para evitar os celos da súa esposa Hera, cómea. Co paso do tempo Zeus sofre unhas incribles dores de cabeza. Acode a Hefesto, quen lle abre a cabeza coas súas ferramentas de ferreiro, de onde nacerá Atenea, xa adulta e armada.