Atomismo

O atomismo,^[1] é unha teoría física e filosófica que xurdiu en Grecia durante o século V a.C., aínda que talvez moito antes, que propón unha concepción dun universo descontinuo, composto de materia e de baleiro. Segundo os atomistas, os átomos que compoñen o universo son todos da mesma substancia. Son indivisíbeis e non difiren os uns dos outros máis que pola súa forma, a súa posición e o seu movemento.^[2]

O atomismo oponse ao monismo.

Leucipo (contra 440 a.C.) e o seu alumno Demócrito (contra 433 a.C.) están considerados como os fundadores do atomismo, doutrina retomada máis tarde por Epicuro (contra 306 a.C.), e despois por Lucrecio, no século I d.C.^[3].

1. ↑ De átomo, e este do grego ἄτομον átomon, 'sen partes', ou tamén de α- a-, 'non' e τόμος tómos 'porción', 'parte')
2. ↑ Hoxe sábese que átomo é divisíbel, pero que as partículas elementais non o son, no estado actual dos nosos coñecementos.
3. ↑ Véxase: Lucrecio, De Rerum Natura.