Auga mineral

A auga mineral^[1] é a auga de manancial que contén substancias minerais disoltas.^[2] Estes minerais alteran o seu sabor ou danlle un valor terapéutico. Sales, compostos sulfurados e gases están entre as substancias que poden estar disoltas na auga. A auga mineral pode ser preparada ou pode producirse naturalmente.

Tradicionalmente, a auga mineral era usada ou consumida directa do seu illó, o que comunmente se coñecía como tomar as augas ou tomar a cura, e devanditos sitios eran referidos como termas, balnearios (spa), baños ou augas. Frecuentemente, un activo centro turístico medraría ao redor dun sitio de augas minerais (aínda en tempos antigos, como Bath). Tales desenvolvementos turísticos resultaron en vilas termais e hoteis balnearios.

En tempos modernos, é moito máis común que as augas minerais sexan embotelladas na fonte e distribuídas para o seu consumo. Existen máis de 3.000 marcas de auga mineral dispoñíbeis comercialmente a nivel mundial.^[3]

1. ↑ "auga mineral". TERGAL. Consultado o 05/07/2022. 
2. ↑ Auga
3. ↑ "Water from all over the World". Arquivado dende o orixinal o 04 de xaneiro de 2017. Consultado o 25 de decembro de 2016.