Banxo

O banjo^[1] ou banxo^[2][3] é un instrumento musical de corda, de orixe africana, que ten de catro a seis cordas afinadas de formas diversas, aínda que o máis común ten cinco, unha delas máis curta. O banjo está afinado da seguinte maneira: Sol-Do-Sol-Si-Re. A versión de seis cordas afínase e tócase de forma semellante a unha guitarra. O corpo do banjo moderno é de metal, cunha membrana plástica onde se seguran as cordas e cun mastro similar ao dunha guitarra.

As primeiras formas do instrumento xurdiron dentro da poboación africana dos Estados Unidos de América, como adaptacións de instrumentos africanos de deseño semellante.^[4][5] O banjo adoita asociarse co country, folk, coa música irlandesa e co bluegrass, aínda que tamén se pode escoitar en moitos outros xéneros musicais. Os banjos acústicos modernos máis comúns son o banjo con resoador e o banjo aberto.

1. ↑ Definición de banjo* no Dicionario de Galego de Ir Indo e a Xunta de Galicia.
2. ↑ "banxo". TERGAL. Consultado o 21/11/2019. 
3. ↑ Definicións no Dicionario da Real Academia Galega e no Portal das Palabras para banxo.
4. ↑ Bluegrass Music: The Roots Arquivado 22 de agosto de 2006 en Wayback Machine.." International Bluegrass Music Association. 25 de agosto de 2006. (en inglés)
5. ↑ Odell, Jay Scott. "Banjo.". Grove Music Online. Oxford Music Online. Oxford University Press. Consultado o 23 de febreiro de 2015.