Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.
Belogradchik (en búlgaro: Белоградчик) é unha vila da provincia de Vidin, no noroeste de Bulgaria, sendo o centro administrativo do concello de Belogradchik. A vila, cuxo nome quere dicir literalmente "pequena vila branca", atópase ó pé dos Balcáns, ó leste da fronteira serbia e a uns 50 km ó sur do río Danubio. A vila está preto das rochas de Belogradchik, que abrangue unha área de 90 quilómetros cadrados e acada os 200 metros de altitude. En decembro de 2009, tiña unha poboación de 5 334 habitantes.[1]
