"Black Hole Sun" é un sinxelo da banda estadounidense Soundgarden, sacado do seu álbum Superunknown e editado en 1994. A canción que lle dá título foi composta polo seu líder Chris Cornell e é probablemente o tema máis coñecido da banda. "Black Hole Sun" acadou a cima da lista Billboard Mainstream Rock Tracks, onde pasou sete semanas ocupando o número 1. O tema está incluído no recompilatorio de grandes éxitos da banda A-Sides, editado en 1997, e apareceu novamente no recompilatorio de 2010 Telephantasm.