![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Casa de Lorena | |
---|---|
![]() |
A casa de Lorena (en francés: Lorraine; en alemán: Lothringen) foi unha dinastía da nobreza europea fundada no século XI polos condes de Metz e os condes de Alsacia, os irmáns Adalberto e Xerardo de Alsacia, que recibiron do emperador do Sacro Imperio Henrique III o Ducado de Lorena.
Entre os descendentes do duque Xerardo de Lorena (ca. 1030–1070), os sucesores directos do seu fillo primoxénito Teodorico (ca. 1055-1115) gobernaron como duques de Lorena até 1453; mentres que os do seu segundo fillo, Xerardo de Vaudémont (1057-1108), foron condes de Vaudémont e, desde 1473, duques de Lorena, até 1737.
E dinastía fortaleceuse a partir do século XV, despois da vitoria de Renato II (1451-1508), conde de Vaudémont e duque de Lorena, na batalla de Nancy.
No século XVIII, o duque Francisco III de Lorena casou coa arquiduquesa María Tareixa de Austria e desta forma emparentaron as casas de Lorena e Habsburgo, dando orixe á casa de Habsburgo-Lorena.