Back Kastrat ALS Kastrato Azerbaijani Кастрат Bulgarian Castrat Catalan کاستراتۆ CKB Kastrát Czech Kastratsanger Danish Kastrat German Καστράτος Greek Castrato English
Castrato ou castrado, en música,[1] (do italiano castrato, 'castrado'; castrati en plural) é a denominación que se utiliza para referirse ao cantante sometido de neno a unha castración para conservar a súa voz aguda (de soprano, mezzo-soprano ou contralto).
A castración consistía na destrución ou ablación do tecido testicular sen que, polo xeral, se chegara a cortar o pene. Mediante esta intervención traumática, conseguíase que os nenos que xa demostraran ter especiais dotes para o canto mantivesen, de adultos, unha tesitura aguda capaz de interpretar voces características de papeis femininos. Deste xeito lográbase axuntar a aguda voz infantil, considerada tenra e emocional, coas calidades dun intérprete adulto que un neno dificilmente podía igualar: maior potencia pulmonar, pleno dominio da voz e a sabedoría propia da idade.