Castro de Vigo

O Castro de Vigo é un castro, un antigo poboado fortificado, situado no Monte do Castro, na cidade de Vigo. Ten unha parte escavada en distintas intervencións arqueolóxicas que comprende construcións circulares (prerromanas) e cuadrangulares (forma proveniente da romanización).

Está datado entre os séculos II antes de Cristo ao III despois de Cristo^[1] coincidindo coa chamada Idade de Ferro en Galicia e a romanización. Nos primeiros anos do século XXI a escavación arqueolóxica é restaurada e convertida nun museo a ceo aberto.

1. ↑ "Xacemento do Castro". Turismo de Vigo. 2012-10-29. Consultado o 2021-06-20.