Back Colosseum Afrikaans Colosseum ALS ኮሎሲየም Amharic Coloseu AN كولوسيوم Arabic كولوسيوم ARZ ক'ল'ছিয়াম Assamese Coliséu AST Kolizey Azerbaijani کولوسئوم AZB
(la) Colosseum  | |||||
| |||||
| Tipo | xacemento arqueolóxico | ||||
|---|---|---|---|---|---|
| Parte de | parque arqueolóxico do Coliseo | ||||
| Localización | |||||
| División administrativa | Roma Capitale, Italia, Roma, Italia e Municipio I, Italia | ||||
| Localización | Piazza del Colosseo | ||||
| |||||
| Características | |||||
| Dimensións | 48 ( ) × 155 ( ) × 187 ( ) m | ||||
| Material usado | fachada: travertino de Roma muro: tufo bóveda: formigón | ||||
| Superficie | exposición: 5.000 m² exposición: 30.000 m² | ||||
| Ben cultural de Italia | |||||
| Historia | |||||
| Data de creación ou fundación | 82 | ||||
| Cronoloxía | |||||
| 80 | Xogos inaugurais do Coliseo | ||||
| Actividade | |||||
| Uso | xogos romanos, canteira e atracción turística | ||||
| Visitantes anuais | 1.633.436 (2021) | ||||
| Fundador | Vespasiano | ||||
| Páxina web | colosseo.it… | ||||
,_Kolosseum_--_2024_--_0610.jpg)
O Coliseo, orixinariamente coñecido como Anfiteatro Flavio, ou simplemente como Amphitheatrum, é un anfiteatro da Roma antiga, con total probabilidade o máis famoso do mundo. Podía acoller 50.000 espectadores, sendo usado, principalmente, para espectáculos de loitas de gladiadores.
O edificio forma unha elipse de 527 m de perímetro, con eixes que miden 188 m x 156 m. A "arena" interna mide 86 m por 54 m, cunha superficie de 3.357 m². A altura actual acada 48,5 m, mais en orixe chegaba a 52 m.
O Coliseo foi construído sobre o terreo que ocupaba o enorme pazo de Nerón, a Domus Aurea, que estaba precisamente situado na depresión de Velia, entre o Caelius, o monte Oppius e o Palatino, cerca do barrio de Subura, e xusto sobre o lago do pazo, que foi desecado, e dunha "arena" de madeira para gladiadores, que foi destruída. Está no cruzamento da Vía Triunfal e a Vía Sacra.
Financiouse co diñeiro conseguido na campaña vitoriosa de Tito en Xudea, e sobre todo procedente do saqueo do Templo de Xerusalén, no ano 70 d.C.
Unha enorme estatua de Nerón, o Coloso de Nerón, que foi desprazada a raíz da construción do Templo de Venus e de Roma, atopábase erguida á beira do Anfiteatro Flavio; de aí saíu o seu nome de Coliseo: Colosseum, durante a Idade Media, debido aos restos que perduraban do Coloso de Nerón. O Coliseo, pois, foi chamado así despois da Antigüidade e nunca na época imperial romana.