Comarca do Ribeiro

Comarca do Ribeiro

Localización
42°18′N 8°06′O / 42.3, -8.1
Estado	España
Comunidade autónoma	Galicia
Provincia	provincia de Ourense
Contén a división administrativa	A Arnoia Avión Beade Carballeda de Avia Castrelo de Miño Cenlle Cortegada Leiro Melón Ribadavia
Poboación
Poboación	15.571 (2020) (38,27 hab./km²)
Xentilicio	ribeiro
Xeografía
Superficie	406,92 km²

A comarca do Ribeiro é unha comarca galega situada na provincia de Ourense no curso medio do río Miño, que a percorre de nordeste a suroeste. A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

Ocupa unha superficie de 406,92 km², nos que viven 15.571 habitantes (2020).^[1] Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira. Existen varios balnearios que aproveitan as augas. Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

1. ↑ "IGE - Información comarcal". www.ige.eu. Arquivado dende o orixinal o 30 de abril de 2021. Consultado o 2021-04-30.