Escudo de Grecia

O escudo de Grecia está composto por un único campo de azur cunha cruz grega de prata co que se quixo representar á Igrexa Ortodoxa Grega en 1828. É a mesma composición existente na bandeira vixente até 1978 e que actualmente figura nun recadro situado na esquina superior da Bandeira de Grecia xunto ao mastro.

O devandito escudo aparece rodeado por dúas ramas de loureiro. A súa versión actual foi aprobada o 7 de xuño de 1975 cando se eliminaron a coroa real e outros elementos asociados coa antiga monarquía grega e os seus vencellos dinásticos.