Gran Colombia

Gran Colombia

República de Colombia (es)
Localización
4°39′N 74°03′O / 4.65, -74.05Coordenadas: 4°39′N 74°03′O / 4.65, -74.05
Capital	Bogotá
Poboación
Poboación	2.469.000 (1825) (1,14 hab./km²)
Lingua oficial	lingua castelá
Relixión	catolicismo
Xeografía
Superficie	2.172.609 km²
Comparte fronteira con	Brasil República Federal da América Central (pt) México Perú Imperio Español
Datos históricos
Precedido por	Vicerreinado de Nova Granada
Creación	1819
Disolución	1831
Sucedido por	República de Nova Granada, República Federal da América Central (pt) , Venezuela, Ecuador e Guiana Britânica (pt)
Organización política
Forma de goberno	república república federal presidencialismo
• Presidente	Simón Bolívar (1819–1830)
Moeda	piastre (en)

A Gran Colombia foi un Estado de América do Sur creado en 1819 polo Congreso de Angostura a través da Ley Fundamental de la República (ratificada despois no Congreso de Cúcuta en 1821) pola unión de Venezuela e a Nova Granada nunha soa nación baixo o nome de República de Colombia^[1][2], á que logo se adheriron Panamá (1821) e Ecuador (1822).

O termo Gran Colombia emprégase pola historiografía para distinguila da actual República de Colombia, cuxo territorio daquela era coñecido como Nova Granada / Cundinamarca.

Esta república existiu de iure entre 1821 e 1831 e configurouse a partir da unión das anteriores entidades coloniais do Vicerreinado de Nova Granada, a Capitanía Xeneral de Venezuela, a Presidencia de Quito e a Provincia Libre de Guayaquil^[3].

A súa superficie correspondía aos territorios das actuais repúblicas de Colombia, Ecuador, Panamá e Venezuela (incluíndo a Güiana Esequiba, en disputa güiano-venezolana), e outros territorios que despois pasaron ao Brasil, o Perú e Nicaragua por acordos internacionais celebrados entre estes países e as repúblicas xurdidas da disolución grancolombiana.

Aínda que a Gran Colombia foi creada mediante a Ley Fundamental de la República de Colombia aprobada no Congreso de Angostura (1819), o Estado como froito da unión dos anteditos territorios non veu a luz até o Congreso de Cúcuta (1821), onde se redactou a Constitución de Cúcuta ou Constitución nacional, coa cal se estableceu o funcionamento e se regulamentou a súa creación, ao igual que a vida política e institucional do novo país.

O país disolveuse a finais da década de 1820 e inicios dos anos 1830, debido ás grandes diferenzas políticas que existían entre partidarios do federalismo e o centralismo, así como polas tensións rexionais entre os pobos que integraban a república.

1. ↑ "Ley Fundamental de la República de Colombia". Centro de estudios históricos del Ejército Nacional de Colombia. Arquivado dende o orixinal o 23 de setembro de 2015. Consultado o 28 de abril de 2015. 
2. ↑ "Ley Fundamental de la República de Colombia" (PDF). Biblioteca Luis Ángel Arango. Arquivado dende o orixinal (PDF) o 23 de setembro de 2015. Consultado o 28 de abril de 2015. 
3. ↑ "La Gran Colombia, 1819-1830". Biblioteca Luis Ángel Arango. Arquivado dende o orixinal o 15 de outubro de 2014. Consultado o 28 de abril de 2015.