Gran Premio de Abu Zabi

Gran Premio de Abu Zabi

Tipo	evento deportivo recorrente
Deporte	automobilismo
Organizador	Federación Internacional do Automóbil
Localización  e  Datas
Localización	Circuíto de Yas Marina 24°28′13″N 54°36′22″L / 24.470244, 54.606075
Lonxitude	5,554 km
País	Emiratos Árabes Unidos
Vixencia	2009 –
Período de ocorrencia	1 ano
Competición
Primeiro posto	Max Verstappen
Outro
Páxina web oficial	abudhabigp.com

Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

O Gran Premio de Abu Zabi (en árabe: أبوظبي سباق الجائزة الكبرى) é unha carreira de Fórmula 1. Anúnciouse a principios de 2007 no Festival de F1 de Abu Zabi nos Emiratos Árabes. A primeira carreira disputouse o 1 de novembro de 2009, no Circuíto de Yas Marina deseñado por Hermann Tilke.

O 25 de xuño de 2008, a FIA presentou o calendario provisional de Fórmula 1 de 2009, que incluía o Gran Premio de Abu Zabi como a 19ª carreira e última da tempada o 15 de novembro. O 5 de novembro de 2008, anunciouse que a carreira sería disputada o 1 de novembro, dúas semanas antes da data inicialmente prevista, como 17ª carreira e última da tempada.

A carreira foi a primeira carreira nocturna da Fórmula 1, comezando ás 17:00 hora local. Os reflectores que serven para iluminar o circuíto son encendidos desde o inicio do evento para garantir que hai unha transición suave da luz do día a escuridade da noite.