Khanato

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Khanato^[1][2] é unha palabra de orixe turca-mongol utilizada para describir unha entidade política gobernada por un khan.

En turco moderno, a palabra que se usa é kağanlık, e no azarí moderno da República de Acerbaixán, xanlıq. En Mongolia utilízase a palabra khanlig, como en Khereidiin Khanlig, que significa khanato de Kerait.

Esta entidade política é típica dos pobos da estepa de Eurasia e pode ser equivalente a outros termos tribais como cacicado, principado ou reino.

Os khanatos foron ás veces reagrupados en khaganatos, unha especie de Imperio baixo a autoridade dun khan soberano, khan de khanes, coñecido en galego como Gran Khan ou khagán (turco: kağan; mongol: хаган).

1. ↑ Definicións no Dicionario da Real Academia Galega e no Portal das Palabras para khanato.
2. ↑ "Entrada khanato en Digalego". Arquivado dende o orixinal o 12 de decembro de 2017. Consultado o 12 de decembro de 2017.