Koolasuchus

Koolasuchus Rango fósil: Cretáceo Inferior
Koolasuchus cleelandi depredando o dinosauro Leaellynasaura.
Clasificación científica
Reino: Animalia Filo: Chordata Superclase: Tetrapoda Orde: Temnospondyli† Suborde: Stereospondyli Infraorde: Trematosauria Superfamilia: Brachyopoidea Familia: Chigutisauridae Xénero: Koolasuchus Warren et al., 1997
Especie tipo
'Koolasuchus cleelandi' Warren et al., 1997

Koolasuchus é un xénero extinto de temnospóndilo que viviu no que hoxe é Australia. Coñécese unha especie deste xénero, K. cleelandi. Viviu aproximadamente hai 120 millóns de anos, a principios do período Cretáceo, no Barremiense. É un dos anfibios máis grandes xamais descubertos e un dos maiores depredadores coñecidos do Mesozoico australiano. Koolasuchus foi nomeado en 1997 do Grupo Strzelecki do período Aptiense na formación Wonthaggi en Victoria.^[1] É coñecido a partir de catro fragmentos da mandíbula inferior e varios ósos postcraneais, incluíndo costelas, vértebras, unha fíbula, e partes da cintura escapular. Foi descuberto en 1989 pola paleontóloga Lesley Kool e o xeólogo Mike Cleeland, sobre a base dos cales se nomeou a especie tipo Koolasuchus cleelandi. O nome do xénero significa "crocodilo de Kool" en grego e tamén fai un xogo de palabras coa palabra "cool" (frío, en inglés) en referencia ó clima frío do seu ambiente.^[2] Os seus restos, dous fragmentos de mandíbula enterrados a 80 centímetros de profundidade, foron achados en Strzelechi Range, ó sur de Melbourne e preto de San Remo, Victoria.

1. ↑ Warren A.A.; Rich, P.V.; and Rich, T.H. "The last, last labyrinthodonts?" 247. 
2. ↑ Rich T.H.V. and Rich, P.V. Dinosaurs of Darkness. Bloomington: Indiana University Press.