Lady Gregory

Lady Gregory

Biografía
Nacemento	(en) Isabella Augusta Persse 15 de marzo de 1852 Loughrea, Irlanda (en)
Morte	22 de maio de 1932 (80 anos) Coole Park, Irlanda (en)
Causa da morte	cancro
Actividade
Campo de traballo	Poesía
Ocupación	lingüista, autobiógrafa, autora de diarios, tradutora, poetisa, dramaturga, escritora
Período de actividade	1903 -
Obra
Arquivos en	Leeds University Library (en) [ BC MS 20c Gregory] Coleccións Especiais e Arquivos Universitarios da Universidade de Victoria [ SC329]
Familia
Cónxuxe	William Henry Gregory (1880, 1880–)
Fillos	Robert Gregory
Pais	Dudley Persse   e Frances Barry
Descrito pola fonte	1922 Encyclopædia Britannica (en) Thom's Irish Who's Who (en) Library of the World's Best Literature (en)

Isabella Augusta Gregory (nada Persse), máis coñecida coma Lady Gregory, nada en Roxborough, Galway o 15 de marzo de 1852 e finada o 22 de maio de 1932, foi unha dramaturga, folclorista e directora de teatro irlandesa. Xunto a William Butler Yeats e Edward Martyn co-fundou o Teatro Literario de Irlanda e o Abbey Theatre, escribindo gran cantidade de obras curtas para ámbalas dúas compañías. Lady Gregory produciu unha serie de libros de recontos de historias tomadas da mitoloxía irlandesa. Nada baixo o seo dunha familia burguesa pro-británica, rebelouse contra ela. A súa conversión ó nacionalismo cultural, evidenciada polas súas obras, considérase emblemática de moitas das loitas políticas que tiveron lugar en Irlanda durante o seu período.

Lady Gregory encadrouse dentro do movemento coñecido coma o renacemento literario irlandés. O seu fogar en Coole Park no condado de Galway serviu de lugar de reunión para algunhas das figuras principais deste renacemento, e o seu traballo inicial coma membro da directiva do Abbey Theatre está considerado tan importante coma as súas obras creativas para o propio desenvolvemento do teatro.