Lingua luxemburguesa

Luxemburgués 'Lëtzebuergesch'
Falado en:	Luxemburgo, Bélxica, Francia, Alemaña.
Rexións:	Europa
Total de falantes:	300.000
Familia:	Indoeuropea  Xermánica   Occidental    Antigo alto alemán     Luxemburgués
Status oficial
Lingua oficial de:	Luxemburgo
Regulado por:	Conseil Permanent de la Langue Luxembourgeoise (CPLL)
Códigos de lingua
ISO 639-1:	lb
ISO 639-2:	ltz (B)	ltz (T)
ISO 639-3:	ltz
SIL:	LTZ
Mapa
Distribución xeográfica do luxemburgués (raiado).
Status
O luxemburgués está clasificado como "vulnerable" polo Libro Vermello das Linguas Ameazadas da UNESCO[1]

O luxemburgués^[2] (en luxemburgués Lëtzebuergesch, en alemán, Luxemburgisch, en francés Luxembourgeois) é unha lingua xermano-occidental falada en Luxemburgo. Foi adoptada como idioma oficial en 1984. Fálase tamén en pequenas partes de Bélxica, Francia e Alemaña, así como por algúns descendentes de inmigrantes luxemburgueses dos Estados Unidos e Transilvania, Romanía (Siebenbürgen). Hai uns 300.000 falantes de luxemburgués en todo o mundo.

Pertence ao grupo de idiomas do Alto Alemán, como o alemán estándar. É relativamente doado para un alemán entender a un falante de luxemburgués pero moito máis complicado tentar falalo pola súa influencia francesa.

Por outro lado, o luxemburgués escrito a miúdo amosa unha clara influencia do Alto Alemán na sintaxe e os modismos. O luxemburgués aínda depende moito da normativa gramatical alemá.

1. ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022. 
2. ↑ Definicións no Dicionario da Real Academia Galega e no Portal das Palabras para luxemburgués.