Back Codonyate AN Дюлев мармалад Bulgarian Codonyat Catalan Quittenbrot German Κυδωνόπαστο Greek Quince cheese English Dulce de membrillo Spanish Irasagar-gozoki Basque Pâte de coing French דולסה דה ממבריז'ו HE
Para outras páxinas con títulos homónimos véxase: Marmelo.
O marmelo, tamén chamado doce de marmelo, é un doce preparado a partir da froita do marmeleiro (Cydonia). É típico de Galicia, onde se acostuma tomar principalmente de sobremesa acompañado de queixo (Queixo de tetilla especialmente). Tamén é común en España e Portugal (neste país coñécese co nome de marmelada de onde xorde a verba galega marmelada, con diferente significado). En Latinoamérica recibe os nomes de dulce de membrillo, membrillate, ate ou codoñate, e consómese principalmente na Arxentina, no Uruguai, Chile e México. En Italia cultívase o marmeleiro e se prepara a cotognata en Sicilia, Lombardía, Trentino, Abruzos e Puglia. Existen tamén variantes de marmelo que se elaboran en Francia, Grecia e Turquía.