Milwaukee Bucks

Milwaukee Bucks
Información xeral
Conferencia	Leste
División	Central
Cores
G League	Wisconsin Herd
Retirados	9 (1, 2, 4, 8, 10, 14, 16, 32, 33)
Localización
Cidade	Milwaukee, Wisconsin
Pavillón	Fiserv Forum
Capacidade	17.500 espectadores
Inauguración	26 de agosto de 2018
Persoal
Propietario(s)	Wes Edens, Marc Lasry, Jamie Dinan, Mike Fascitelli
Presidente	Peter Feigin
Director	Jon Horst
Adestrador	Mike Budenholzer
Títulos
Campión	2 (1971, 2021)
Conferencia	3 (1971, 1974, 2021)
División	16 (1971, 1972, 1973, 1974, 1976, 1980, 1981, 1982, 1983, 1984, 1985, 1986, 2001, 2019, 2020, 2021)
bucks.com

Os Milwaukee Bucks son un equipo profesional estadounidense de baloncesto con sede en Milwaukee, Wisconsin, que xoga na División Central da Conferencia Leste da National Basketball Association (NBA). Os Bucks foron fundados en 1968, e actualmente son propiedade do senador Herb Kohl. Os Bucks gañaron un campionato da NBA ao longo da súa historia, foi en 1971, tan só tres anos despois da súa fundación, da man de Jon McGlocklin, Bob Dandridge e sobre todo Oscar Robertson e Lew Alcindor, que ao ano seguinte trocaría o seu nome polo de Kareem Abdul-Jabbar. Xogan os seus encontros coma local no Fiserv Forum.

Os Bucks desempeñaron un importante papel na competición sobre todo na primeira metade da década de 1970 e durante os anos 1980, onde contaron con xogadores como Junior Bridgeman, Sidney Moncrief, Bob Lanier ou Brian Winters, que chegaron en dúas ocasións ás finais de conferencia, perdendo ambas antes os potentes Boston Celtics de Larry Bird. Con todo, durante a década de 1990, tan só chegaron tres veces aos playoffs polo título, perdendo sempre en primeira rolda. A sorte trocou en 2001, e os Bucks chegaron de novo ás finais de conferencia, mais perderon de novo esta vez fronte aos Sixers de Allen Iverson. Dende aquela clasificáronse á loita polo campionato en tres ocasións máis, caendo en todas na primeira rolda.