Nikola Tesla

Nikola Tesla

Biografía
Nacemento	(sr) Никола Тесла 10 de xullo de 1856 Smiljan, Croacia (pt)
Morte	7 de xaneiro de 1943 (86 anos) Nova York, Estados Unidos de América
Causa da morte	infarto agudo de miocardio
Lugar de sepultura	Nikola Tesla Museum, Belgrade, Serbia (en) 44°48′18″N 20°28′15″L / 44.805, 20.4708
Residencia	Colorado Springs (1899–) Nova York (1884–) París (1882–1884) Budapest (1881–1882) Praga (1880–1881) Graz (1875–1878) Karlovac (1870–1873) Smiljan (pt) (1856–1870)
Grupo étnico	Serbios de Croacia
Relixión	Igrexa ortodoxa serbia
Educación	Universidade Tecnológica de Graz (pt) (1875–1878) Ginásio Karlovac (pt) (1870–1873) Universidade Carolina de Praga
Actividade
Campo de traballo	Enxeñaría eléctrica, enxeñaría mecánica, físico, mecánica e inventor
Ocupación	inventor, físico, enxeñeiro mecánico, enxeñeiro eléctrico, futurist (en)
Empregador	Westinghouse Electric (1888–) Tesla Electric Light & Manufacturing (pt) (1886–)
Membro de	Academia Serbia das Ciencias e das Artes (membro permanente (pt) ) (1937–1943) Academia Serbia das Ciencias e das Artes (membro correspondente) (1894–1937) Institute of Electrical and Electronics Engineers
Influencias	Ernst Mach
Familia
Cónxuxe	sen valor
Pais	Milutin Tesla   e Georgina Duka Mandić
Irmáns	Marica Kosanovic
Premios
(1975)  Salón da Fama dos Inventores Nacionais (1937)  doutor honoris causa pola Universidade de París (1936)  Grand cross of the Order of the White Lion (en) (1934)  Medalla John Scott (1916)  Medalla Edison (1894)  Medalla Elliott Cresson  Honorary doctor of the Technical University of Graz (en)  Order of the Crown (en)  Orde do León Branco  Order of St. Sava (en)  membro da Asociación Estadounidense para o Avance da Ciencia  Ordem do Príncipe Danilo I do Montenegro (pt)  IEEE Fellow (en)  Knight Grand Cross of the Order of Saint Sava (en)  Honorary doctor of the University of Zagreb (en)  Knight Grand Cross of the Order of the White Eagle (en)
Sinatura
Descrito pola fonte	Appletons' Cyclopædia of American Biography Grande Enciclopedia Soviética 1969-1978, (vol:25 : Струнино — Тихорецк, sec:Тесла Никола, p.512-513) Enciclopedia de Otto, (vol:25, sec:Tesla, p.227)

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Nikola Tesla (en cirílico serbio: Никола Тесла), nado en Smiljan Imperio Austrohúngaro (hoxe en día Croacia) o 10 de xullo de 1856 e finado en Nova York o 17 de xaneiro de 1943, foi un físico, matemático, inventor, e enxeñeiro eléctrico serbio estadounidense^[1][2][3][4] e o promotor máis importante do nacemento da electricidade comercial. Coñécese, sobre todo, polas súas numerosas e revolucionarias invencións no campo do electromagnetismo, desenvolvidas a finais do século XIX e principios do século XX. As patentes de Tesla e o seu traballo teórico formaron as bases dos sistemas modernos de potencia eléctrica por corrente alterna (CA), incluíndo o sistema polifásico de distribución eléctrica hoxe en día chamado sistema trifásico e o motor de corrente alterna, que tanto contribuíron ao nacemento da Segunda revolución industrial.

Tesla era etnicamente serbio^[5][6] xa que naceu na vila de Smiljan (hoxe en día en Croacia), no entón Imperio Austrohúngaro (aínda que algúns académicos romaneses afirman que era istroromanés)^[7].

Era cidadán do imperio austríaco por nacemento e máis tarde converteuse en cidadán estadounidense.^[8] Trala súa demostración de comunicación sen fíos por medio de ondas de radio en 1894 e logo da súa vitoria na guerra das correntes, foi amplamente recoñecido como un dos máis grandes enxeñeiros eléctricos dos Estados Unidos de América.^[9] Gran parte do seu traballo inicial foi pioneiro na enxeñaría eléctrica moderna e moitos dos seus descubrimentos foron de suma importancia. Durante este período nos Estados Unidos a fama de Tesla rivalizaba coa de calquera inventor ou científico na historia ou a cultura popular,^[10] pero debido á súa personalidade excéntrica e ás súas afirmacións aparentemente incribles e algunhas veces case inverosímiles, acerca do posible desenvolvemento de innovacións científicas e tecnolóxicas, Tesla foi finalmente relegado ao ostracismo e considerado un científico tolo.^[11][12] Tesla nunca prestou moita atención ás súas finanzas. Dise que morreu empobrecido á idade de 86 anos.^[13]

A unidade de medida do campo magnético B do Sistema Internacional de Unidades (tamén denominado densidade de fluxo magnético e indución magnética), o Tesla, foi chamado así no seu honor na Conférence Générale des Poids et Mesures (París, en 1960), como tamén o efecto Tesla de transmisión sen fíos de enerxía a dispositivos electrónicos (que Tesla demostrou a pequena escala coa lámpada incandescente en 1893), o cal pretendía usar para a transmisión intercontinental de enerxía a escala industrial no seu proxecto inconcluso, a Wardenclyffe Tower (Torre de Wardenclyffe).^[14]

Separadamente do seu traballo en electromagnetismo e enxeñaría electromecánica, Tesla contribuíu en diferente medida ao desenvolvemento da robótica, o control remoto, o radar, as ciencias da computación, a balística, a física nuclear,^[15] e a física teórica. En 1943, o Tribunal Supremo dos Estados Unidos de América acreditouno como o inventor da radio.^[16] Algúns dos seus logros foron usados, non sen controversia, para xustificar varias pseudociencias, teorías sobre OVNIS e sobre antigravidade, así como o ocultismo da New age e teorías sobre a teletransportación.

1. ↑ Burgan, Michael (2009). Capstone, ed. Nikola Tesla: Inventor, Electrical Engineer. Mankato, Minnesota. p. 9. ISBN 978-0-7565-4086-9. 
2. ↑ BBC News, ed. (10 de xullo do 2006). "Electrical pioneer Tesla honoured". Consultado o 20 de maio do 2013. 
3. ↑ Radio Free Europe/Radio Liberty, ed. (9 de xuño do 2015). "No, Nikola Tesla's Remains Aren't Sparking Devil Worship In Belgrade". 
4. ↑ History Channel (ed.). "Nikola Tesla". Consultado o 15 de xuño do 2014. Serbian-American engineer and physicist Nikola Tesla (1856–1943) made dozens of breakthroughs in the production, transmission and application of electric power. 
5. ↑ Seifer, Marc (1996). Wizard: The Life and Times of Nikola Tesla; Biography of a Genius. Secaucus, NJ: Carol Publishing Group.
   There is something in me which is only perhaps illusory," Tesla began, "[It is] like that which often comes to young, enthusiastic persons, but if I were to be sufficiently fortunate to bring about at least some of my ideas it would be for the benefit of humanity. ... If these hopes become one day a reality, my greatest joy would spring from the fact that this work would be the work of a Serb.
6. ↑ (en inglés) Tesla, Nikola (1993). My inventions. At that time I was under the sway of the Serbian national poetry, and therefore full of admiration for the feats of the heroes. 
7. ↑ "Tesla, de posibles orixes istroromanesas". Arquivado dende o orixinal o 14 de febreiro de 2013. Consultado o 08 de xuño de 2013. 
8. ↑ BBC News, ed. (10-07-2006). "Electrical pioneer Tesla honoured" (en inglés). Consultado o 15/06/2013. 
9. ↑ Serbian Unity Congress (ed.). "Nikola Tesla - electrical engineer and inventor". Arquivado dende o orixinal o 19 de novembro de 2009. Consultado o 15 de agosto de 2009. 
10. ↑ Valone, T. Adventures Unlimited Press, ed. Harnessing the Wheelwork of Nature: Tesla's Science of Energy (en inglés). ISBN 1931882045. 
11. ↑ Childress, David Hatcher (ed.) (2000). Adventures Unlimited Press]], ed. The Tesla Papers: Nikola Tesla on Free Energy & Wireless Transmission of Power. Kempton, IL. ISBN 0932813860. 
12. ↑ Robert Lomas (21-08-1999). "Spark of genius". Independent Magazine. Arquivado dende o orixinal o 23-06-2008. Consultado o 15/06/2013. 
13. ↑ White MJ (2001). Rivals: conflict as the fuel of science. Londres: Secker & Warburg. pp. 174. ISBN 0-436-20463-0. 
14. ↑ El País (ed.). "El visionario que acertó". Consultado o 315/06/2013. 
15. ↑ Cheney M (2001). Touchstone, ed. Tesla : Man Out of Time. New York, NY. ISBN 0-7432-1536-2. 
16. ↑ U.S. Supreme Court, "Marconi Wireless Telegraph co. of America v. United States". 320 U.S. 1. Nos. 369, 373. Argued 9–12 April 1943. Decided 21 June 1943.