Nome de Horus

Nome de Horus

Biografía

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2017.)

O Nome de Horus foi o símbolo máis antigo utilizado para representar o título de faraón: un falcón (deus Horus) sobre un serekh co nome do rei, en escritura xeroglífica exipcia.

O serekh xa aparece ao principio da historia exipcia, na Paleta de Narmer. Os reis anteriores á IV dinastía utilizaron principalmente o seu nome de Horus, que aparecía nun serekh (a imitación da fachada dun palacio) co deus Horus situado sobre el.

Sejemib, faraón da dinastía II, cambiou o seu nome por Peribsen, e substituíu a protección do deus Horus pola de Seth, posiblemente por problemas políticos, substituíndo o símbolo de Horus polo do deus Seth. Jasejemuy, o seguinte rei da dinastía II, sitúa sobre a súa serekh a Horus e Seth, xuntos, probablemente para conciliar aos dous grupos enfrontados.

Horus encima do serekh é unha representación simbólica do palacio do rei protexido polo deus supremo do ceo, identificado co mesmo rei, e xa que logo é o deus-rei que protexe a súa propia terra, a todas as cousas e seres vivos que habitan nela. A forza e significado desta metáfora teñen raíces míticas e relixiosas porque implica o concepto de "rei divino" como fonte e orixe do dereito do rei a gobernar na terra e en todos os seus habitantes; o nome de Horus era de carácter sacro e debía ser utilizado en ámbitos cultuais, cerimoniais, relixiosos, máxicos, bélicos e funerarios, aínda que non había unha regra fixa e estaba suxeito a cambios segundo a época e o contexto.

F. Raffaele

No Imperio Medio de Exipto, as dinastías XI e XII, os faraóns exipcios recibían cinco títulos; engadían ao nome de nacemento outros catro máis cando accedían ao trono. Eran os seguintes: Nome de Horus, Nome de Nebty, Nome de Horus Dourado, Nome de Trono e Nome de nacemento.