Ourense

Ourense

Brasón
Localización
42°20′08″N 7°51′51″O / 42.33556, -7.86406
Estado	España
Comunidade autónoma	Galicia
Provincia	provincia de Ourense
Capital de	provincia de Ourense
Capital	Ourense
Contén a división administrativa	Ourense
Poboación
Poboación	104.250 (2023) (1.223,59 hab./km²)
Xentilicio	ourensá, ourensán, auriense
Xeografía
Parte de	Ourense
Superficie	85,2 km²
Bañado por	río Miño
Altitude	145 m
Comparte fronteira con	Barbadás Coles O Pereiro de Aguiar Amoeiro Toén Punxín San Cibrao das Viñas
Datos históricos
Precedido por	Canedo
Santo padrón	Martiño de Tours
Organización política
• Alcalde	Gonzalo Pérez Jácome (2019–)
Eleccións municipais en Ourense
Identificador descritivo
Código postal	32001–32005
Fuso horario	UTC+01:00
Prefixo telefónico	988
Código INE	32054
Outro
Irmandado con	Quimper Vila Real Tlalnepantla de Baz (2002–) Tlalnepantla (pt) (2002–)
Páxina web	ourense.gal…

Ourense é unha cidade e concello de Galicia, capital da provincia de Ourense^[1] e da súa comarca homónima. É a terceira cidade máis poboada de Galicia despois de Vigo e A Coruña. Ourense tiña 104.250 habitantes (INE 2023).

Está atravesada polos ríos Miño, Barbaña e Lonia. É coñecida como A cidade das Burgas debido á sona das súas famosas fontes de augas termais (a auga sae a 60-68 °C). Tamén é coñecida como Auria^[2].

Destacan como monumentos a catedral de Ourense (século XII) co seu Pórtico do Paraíso e o Santo Cristo, a ponte Maior, o claustro de San Francisco, a igrexa da Trindade e a de San Domingo, o conxunto da súa zona vella, en proceso de recuperación e a modernista Casa Taboada.

Cidade termal por excelencia, ademais das Burgas hai augas termais no balneario da Chavasqueira (de inspiración xaponesa), O Tinteiro, Muíño da Veiga e Outariz. Están moi próximos á capital os centros balnearios da Arnoia, Baños de Molgas, Laias e O Carballiño.

1. ↑ "Lei 2/1998, do 3 de marzo" (PDF). BOE. Consultado o 3 de maio de 2021. 
2. ↑ "Auria é o nome máis antigo de Ourense, que quizais pervive en Oira" (Enciclopedia Galega Universal, s.v. "Auria"). Co nome de "Auria" designáronse varias publicacións editadas en Ourense: unha revista quincenal (1944-1946), outra mensual (marzo 1997) e un suplemento cultural do diario Faro de Ourense (novembro 1983). Finalmente, é tamén unha denominación literaria da cidade que empregou Eduardo Blanco Amor nas súas novelas A esmorga e La Catedral y el niño.