Pobo abnaki

Pobo abnaki
Parella abnaki, no século XVIII.
Poboación
Poboación total: 8 000[1]
Rexións principais:
Estados Unidos	(Maine, Nova Hampshire e Vermont)
Canadá	(Novo Brunswick e Quebec)
Aspectos culturais
Lingua	Lingua abnaki, inglés e francés
Relixión	Relixión abnaki
Grupos relacionados	Pobos algonquinos

Os abnakis^[2] (tamén coñecidos como abenaki, abinaki ou alnôbak) son un pobo indíxena de América do Norte. Son un dos pobos de fala algonquina que habitan no Quebec e en Novo Brunswick no Canadá, e na rexión de Nova Inglaterra nos Estados Unidos, unha rexión chamada por eles como Wabanahkik ("Terra do Amencer") en lingua abnaki. Os abnakis son un dos cinco membros da Confederación Wabanaki.

Os "abnakis" son un grupo lingüístico e xeográfico, mais historicamente non tivo unha autoridade central do pobo. Existían numerosas e pequenas bandas e tribos que compartían moitos trazos culturais.^[3] Uníronse como comunidade despois do contacto cos europeos, xa que as tribos orixinais foron dezmadas pola colonización, as doenzas e a guerra.

1. ↑ Abenaki, Encyclopædia Britannica (consultado o 29 de outubro de 2017).
2. ↑ "Entrada abnaki en Digalego". Arquivado dende o orixinal o 22 de novembro de 2016. Consultado o 22 de decembro de 2017. 
3. ↑ Lee Sultzman (21 de xullo de 1997). "Abenaki History". Arquivado dende o orixinal o 11 de abril de 2010. Consultado o 20 de marzo de 2010.