O Premio Bill Russell ao mellor xogador das Finais da NBA (en inglés: Bill Russell NBA Finals Most Valuable Player Award) concédese ao mellor xogador da serie de partidos das Finais da NBA. Habitualmente concédese o premio a un xogador do equipo vencedor, habendo unicamente unha excepción, cando en 1969 foille outorgado a Jerry West, de Los Angeles Lakers, que ese ano perdeu a final contra Boston Celtics. Coñecido anteriormente como Premio ao mellor xogador das Finais da NBA, dende o 14 de febreiro de 2009 cambiou de denominación como homenaxe a Bill Russell, 11 veces campión da NBA.[1]