Rato da fraga

Apodemus flavicollis
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Mammalia Orde: Rodentia Familia: Muridae Xénero: Apodemus Especie: Apodemus flavicollis
Mapa de distribución
Sinonimia
Apodemus arianus Apodemus ponticus

O rato da fraga (Apodemus flavicollis)^[2] é unha especie de rato estreitamente emparentada co rato de campo, co cal foi moito tempo confundido, pero foi recoñecido como unha especie distinta en 1894. Diferénciase del pola súa banda de pelo amarelo arredor do pescozo e por ter orellas lixeiramente máis longas e un tamaño corporal tamén algo maior. Mide uns 100 mm de lonxitude media, pode gabear ás árbores e ás veces pasa o inverno nas casas. Atópase fundamentalmente en áreas montañosas do sur de Europa (incluíndo Galicia), pero esténdese ao norte ata partes de Escandinavia e Gran Bretaña. Pode contaxiar aos humanos un tipo de encefalite e unha febre hemorráxica causadas por virus dos que é reservorio natural.

1. ↑ Amori, G.; Hutterer, R.; Kryštufek, B.; Yigit, N.; Mitsain, G. & Palomo, L.J. (2016). "Apodemus flavicollis". Lista Vermella da IUCN (IUCN) 2016: e.T1892A115058023. doi:10.2305/IUCN.UK.2016-3.RLTS.T1892A22423256.en. Consultado o 10 November 2017. 
2. ↑ Murray Wrobel: Elsevier’s Dictionary of Mammals. Elsevier 2006, ISBN 978-0-444-51877-4.