Reservoir Dogs

Reservoir Dogs
Logo do filme.
Ficha técnica
Título orixinal	Reservoir Dogs
Director	Quentin Tarantino
Produtor	Lawrence Bender
Guión	Quentin Tarantino Roger Avary
Intérpretes	Harvey Keitel Tim Roth Chris Penn Steve Buscemi Lawrence Tierney Michael Madsen
Fotografía	Andrzej Sekuła
Montaxe	Sally Menke
Estudio	LIVE America
Distribuidora	Miramax Films
Estrea	1992
Duración	99 minutos
Orixe	Estados Unidos
Xénero	Suspense e acción
Orzamento	$1 200 000[1]
Recadación	$22 000 000[2]
Na rede
http://www.miramax.com/movie/reservoir-dogs

Reservoir Dogs é un filme estadounidense dirixido por Quentin Tarantino que se estreou en 1992. Pertence ó xénero neo-noir e suspense e conta os eventos anteriores e posteriores dun roubo de diamantes errado. Foi o primeiro filme do director e guionista Quentin Tarantino, e está protagonizado por Harvey Keitel, Tim Roth, Steve Buscemi, Chris Penn, Lawrence Tierney e Michael Madsen. Tarantino e Edward Bunker teñen papeis menores no filme. Incorpora moitos temas que se converteron en sinais de identidade do cine violento de Tarantino, como referencias da cultura popular, linguaxe vulgar e a narrativa non lineal.

O filme converteuse nun clásico de culto do cine independente.^[3] Foi chamado o "Meirande Filme Independente de Tódolos Tempos" pola revista Empire. Reservoir Dogs foi polo xeral ben recibida, e o elenco de actores foi eloxiado por moitos críticos. Malia que non tivo moita promoción na súa estrea, tivo un éxito modesto nos Estados Unidos despois de recadar $2 832 029 sobre un orzamento de $1,2 millóns. Tivo máis éxito no Reino Unido, recadando preto de £6,5 millóns, acadando aínda máis popularidade despois do seguinte filme de Tarantino, Pulp Fiction. A banda sonora, titulada Reservoir Dogs: The Original Motion Picture Soundtrack, foi lanzada coas cancións empregadas no filme, que pertencen na súa maioría á década de 1970.

1. ↑ BoxOfficeMojo.com
2. ↑ "Reservoir Dogs (1992) - Box office / business". IMDB. Amazon.com. 
3. ↑ Tobias, Scott (18 de decembro de 2008). The A.V. Club, ed. "The New Cult Canon - Reservoir Dogs". The Onion. Consultado o 28 de agosto 2011.