Back Roðberht II Scotta Cyning ANG روبرت الثاني ملك إسكتلندا Arabic روبرت التانى ملك اسكتلندا ARZ II Robert (Şotlandiya kralı) Azerbaijani Робърт II Стюарт Bulgarian Robert II d'Escòcia Catalan Robert II. Skotský Czech Robert II, brenin yr Alban Welsh Robert 2. af Skotland Danish Robert II. (Schottland) German
_i.JPG)
Roberto II, chamado Estuardo (Stewart, que significa o Senescal ou o Administrador, un título que deu nome á Casa Estuardo), nado a comezos de 1316 e finado o 19 de abril de 1390, foi rei de Escocia, gobernando dende 1371 ata a súa morte.
Roberto era fillo único de Walter Estuardo, 6o Alto Administrador de Escocia (morto en 1326) e María Bruce, filla do rei Roberto I Bruce e da súa primeira esposa Isabella de Mar. Naceu por cesárea, sobrevindo a súa nai poucas horas ao seu nacemento.
En 1318 o parlamento escocés decretou que se o rei Roberto I morría sen fillos a coroa debería pasar ao fillo de María, pero o nacemento dun fillo varón (que despois sería David II) de Roberto I de Escocia en 1324 pospuxo o acceso de Roberto durante case corenta e dous anos. O Rei David II chegou ao trono en 1329, e a partir de entón, Estudardo comezaría a tomar parte máis activa da política do Reino de Escocia. Foi un dos comandantes que lideraron ao exército escocés na batalla de Halidon en xullo de 1333; e tras algúns éxitos dos partidarios do pretendente ao trono escocés, Eduardo Balliol, no oeste de Escocia, el e John Randolph, 3º Conde de Moray (m. 1346), foron escollidos como os rexentes do reino, mentres David buscaba a seguridade en Francia.
Casado en primeiras nupcias con Isabel Mure Rowallan, filla do señor Adán Mure Rowallan, en 1336. pero como o matrimonio fora cualificado coma non canónico, volveu casar con ela en 1349. Tiveron polo menos dez fillos:
- Xoán Estuardo (1340- 1406), Conde de Carrick e rei de Escocia, co nome de Roberto III.
- Alexandre Estuardo, o Lobo de Badenoch (¿?- 1405), Conde de Buchan.
- Roberto Estuardo (¿?- 1420), Conde de Fife e Duque de Albany. Rexente do reino (1401- 1420).
- Margarida Estuardo, casada con Xoén de Islay, Señor das Illas.
- María Estuardo, casada con Xoén Dunbar, 5º Conde de Moray, e volve casar con Alexandre Keith.
- Johanna Estuardo, casou en 1373 con Sir Xoén Keith, en 1379 con Sir Xoén Lyon i en 1384 con Sir Xacobe Sandilands.
- Isabella Estuardo, casou con Xacobe Douglas, 2º Conde de Douglas, e despois con David Edmondstone.
- Catalina Estuardo.
De unións extramatrimoniais naceron:
- Tomás Estuardo, Archidean e Bispo de Saint Andrews.
- Xoán de Bute, cuxos descendentes serían os Condes e marqueses de Bute.
- Xoán "o roxo" de Dundonald.
| Predecesor: David II de Escocia |
 Rei de Escocia 1371 - 1390 |
Sucesor: Roberto III de Escocia |
