Shoah (filme)

Shoah
Ficha técnica
Título orixinal	Shoah
Director	Claude Lanzmann
Intérpretes	Richard Glazar Raul Hilberg Filip Müller Mordechaï Podchlebnik Simon Srebnik Rudolf Vrba
Fotografía	Dominique Chapuis Jimmy Glasberg Phil Gries William Lubtchansky
Montaxe	Ziva Postec Anna Ruiz
Distribuidora	New Yorker Films
Estrea	París: 30 de abril de 1985[1]
Duración	566 minutos[2]
Orixe	Francia
Xénero	Documental
Na rede
http://www.ifcfilms.com/films/shoah/

Shoah é un filme documental francés de 1985 sobre o Holocausto,^[3] dirixido por Claude Lanzmann. Ten unha duración de nove horas e tomou 11 anos en ser rodado. O filme presenta as entrevistas de Lanzmann a superviventes, testemuñas e perpetradores do Holocausto durante as visitas ós lugares do exterminio en Polonia, incluíndo campos de exterminio.^[4]

Estreado en París en abril de 1985, Shoah conseguiu a aclamación da crítica e numerosos galardóns de prestixio, incluíndo o Premio do Círculo de Críticos de Nova York ó mellor filme de non ficción, e o BAFTA ó mellor documental. Simone de Beauvoir describiuno como unha "auténtica obra mestra", mentres que o documentalista Marcel Ophüls considerouno "o mellor documental sobre a historia contemporánea xamais feito".^[5] O filme non foi ben recibido en Polonia e o goberno polaco argumentou que acusaba a Polonia de "complicidade co xenocidio nazi".^[6]

1. ↑ "Shoah (1985): Release info", IMDb.
2. ↑ British Board of Film Classification, ed. (13 de xuño de 1986). "SHOAH (PG)". Arquivado dende o orixinal o 09 de abril de 2017. Consultado o 2 de febreiro de 2016. 
3. ↑ For the term Shoah and Lanzmann's decision to use it, see Stuart Liebman, "Introduction", in Stuart Liebman (ed.), Claude Lanzmann's Shoah: Key Essays, Oxford: Oxford University Press, 2007, 7.
4. ↑ J. Hoberman, "Shoah: The Being of Nothingness", in Jonathan Kahana (ed.), The Documentary Film Reader: History, Theory, Criticism, Oxford: Oxford University Press, 2016, 776–783.Modelo:Pb Also see Claude Lanzmann with Marc Chevrie and Hervé le Roux, "Site and Speech: An Interview with Claude Lanzmann about Shoah", in Kahana (ed.) 2016, 784–793.
5. ↑ Liebman 2007, 4.
6. ↑ Lawrence Baron, "Cinema in the Crossfire of Jewish-Polish Polemics: Wajda's Korczak and Polanski's The Pianist", in Cherry and Orla-Bukowska 2007, 44.