Shrek

Shrek
Ficha técnica
Título orixinal	Shrek
Director	Andrew Adamson Vicky Jenson
Produtor	Jeffrey Katzenberg Aron Warner John H. Williams
Guión	Ted Elliott
Intérpretes	Mike Myers Eddie Murphy Cameron Diaz John Lithgow
Música	Harry Gregson-Williams John Powell
Montaxe	Sim Evan-Jones
Distribuidora	DreamWorks Pictures
Estrea	18 de maio de 2001 9 de abril de 2009 (TVG)
Duración	92 minutos
Orixe	Estados Unidos
Xénero	Animación, Comedia
Orzamento	$60 000 000[1]
Recadación	$484 400 000
Filme seguinte	Shrek 2
Na rede
https://www.dreamworks.com/movies/shrek

Shrek é un filme de animación 3D gañador do Premio da Academia de animación, baseado no conto de William Steig titulado Shrek! (1990). Foi dirixido polo neozelandés Andrew Adamson e animado por DreamWorks Animation SKG en maio de 2001. Converteuse na primeira película gañadora do premio Oscar ao mellor filme de animación, categoría introducida no ano 2001. Publicouse en DVD en novembro dese mesmo ano. Foi aclamado pola crítica como unha película de animación merecedora de interese adulto, con moitas bromas e temas dirixidos ao público adulto pero un guión sinxelo dabondo para atraer aos nenos.

O filme tivo un grande éxito coa súa estrea en 2001 e axudou a establecer a DreamWorks coma o principal competidor de Walt Disney Pictures no campo do cine de animación, en particular da animación dixital. De feito, Shrek pasou a se converter na mascota das producións de animación da compañía. Este filme ten tres continuacións: Shrek 2 (2004) e Shrek the Third (2007) e Shrek Forever After (2010).

Estreouse en galego na TVG o 9 de abril de 2009.^[2]

1. ↑ BoxOfficeMojo.com
2. ↑ "Shrek na TVG". Diario Siglo XXI. 8 de abril de 2009. Arquivado dende o orixinal o 29 de xuño de 2013. Consultado o 29 de marzo de 2013.