Republic of Singapore (en) Republik Singapura (ms) 新加坡共和国 (zh) சிங்கப்பூர் குடியரசு (ta) ![]() | |||||
Himno | Majulah Singapura (1965) ![]() | ||||
---|---|---|---|---|---|
Lema | «Majulah Singapura» «Onward, Singapore» ![]() | ||||
Símbolo oficial | Vanda teres × Vanda hookeriana (pt) ![]() ![]() | ||||
Alcume | Lion City e 狮城 ![]() | ||||
Nomeado en referencia a | Sinha (en) ![]() ![]() | ||||
Localización | |||||
| |||||
Capital de | Colonias do Estreito (1826–1946) ![]() | ||||
Capital | Singapur ![]() | ||||
Contén a división administrativa | |||||
Poboación | |||||
Poboación | 5.866.139 (2021) ![]() | ||||
Xentilicio | Singapuriano, Singapuriana ![]() | ||||
Lingua oficial | lingua inglesa lingua malaia mandarín estándar Lingua támil ![]() | ||||
Relixión | budismo, Taoísmo, cristianismo, Islam e Hinduísmo ![]() | ||||
Xeografía | |||||
Parte de | |||||
Superficie | 719,1 km² ![]() | ||||
Auga | 1,444 % ![]() | ||||
Bañado por | Estreito de Singapur e Singapore River (en) ![]() ![]() | ||||
Punto máis alto | Bukit Timah (pt) ![]() ![]() | ||||
Punto máis baixo | Estreito de Singapur (0 m) ![]() | ||||
Comparte fronteira con | |||||
Datos históricos | |||||
Precedido por | |||||
Creación | 9 de agosto de 1965 ![]() | ||||
Día festivo | Aninovo (1 de xaneiro) Día Internacional dos Traballadores (1 de maio) National Day (en) ![]() Ano Novo Chinés (2nd day of the 1st month in the Chinese calendar (en) ![]() ![]() Vesak (pt) ![]() Eid al-Fitr (2 Shawwal (pt) ![]() Eid al-Adha (10 Dhu al-Hijjah (pt) ![]() Diwali (pt) ![]() ![]() Venres Santo (dois dias antes da Páscoa (pt) ![]() Nadal (25 de decembro) ![]() | ||||
Organización política | |||||
Forma de goberno | República parlamentaria ![]() | ||||
• Presidente ![]() | Tharman Shanmugaratnam (pt) ![]() ![]() | ||||
Órgano executivo | Government of Singapore (en) ![]() ![]() | ||||
• Primeiro ministro ![]() | Lawrence Wong (2024–) ![]() | ||||
Órgano lexislativo | Parlamento de Singapura (pt) ![]() ![]() | ||||
Máxima autoridade xudicial | Supreme Court of Singapore (en) ![]() ![]() | ||||
Membro de | |||||
PIB nominal | 423.796.995.373 $ (2021) ![]() | ||||
Moeda | Dólar de Singapur ![]() | ||||
Identificador descritivo | |||||
Fuso horario | |||||
Dominio de primeiro nivel | .sg ![]() | ||||
Prefixo telefónico | +65 ![]() | ||||
Teléfono de emerxencia | 995 e 999 ![]() | ||||
Código de país | SG ![]() | ||||
Outro | |||||
Irmandado con | |||||
Páxina web | gov.sg ![]() | ||||
![]() |
Singapur, oficialmente República de Singapur (en chinés: 新加坡共和国, Xīnjīapō Gònghéguó; en inglés: Republic of Singapore; en malaio: Republik Singapura; en támil: சிங்கப்பூர் குடியரசு, Siṅkappūr Kuṭiyarasu), é unha cidade-estado insular situada na Península Malaia no Sueste asiático, a 137 km ao norte do ecuador terrestre. O país está composto por 63 illas, separadas de Malaisia polo estreito de Johor no norte e das illas indonesias de Riau polo estreito de Singapur no sur. A República está altamente urbanizada, con moi poucas zonas boscosas restantes, aínda que se está gañando terra ao mar.
Dende que as illas comezaron a estar habitadas no século II, Singapur formou parte de varios dos imperios que habitaron a zona, acollendo a partir de 1819 un posto comercial da Compañía Británica das Indias Orientais co permiso do Sultanato de Johor. Os británicos conseguiron a soberanía sobre a illa en 1824, converténdose nunha das Colonias do Estreito en 1826. Ocupado polos xaponeses durante a segunda guerra mundial, Singapur declarou a súa independencia en 1963, uníndose con outros antigos territorios británicos para formar Malaisia. Con todo, volveu declarar a súa independencia tan só dous anos despois. Dende entón, o rápido e gran crecemento da súa riqueza converteuno nun dos chamados Catro tigres asiáticos.
Singapur é hoxe o cuarto centro financeiro mundial e o seu porto un dos cinco máis activos do mundo. A súa economía depende en gran medida das exportacións de bens e da refinación de importacións, especialmente no sector manufactureiro, que constituían o 26% do seu PIB en 2005. En termos de paridade de poder adquisitivo, Singapur ten a terceira renda per cápita máis alta do mundo.
Politicamente, Singapur é unha república parlamentaria pluripartidista unitaria cun sistema de goberno de tipo británico parlamentario unicameral. O Partido de Acción Popular gañou tódalas eleccións dende o autogoberno en 1959. Pouco máis de cinco millóns de persoas viven en Singapur, das cales tan só 2.910.000 naceron no país. A poboación é moi diversa, sendo case o 75% da poboación total de orixe chinesa, mentres que os malaios e os indios forman as minorías máis significativas. Como reflexo desta diversidade, o país conta con catro linguas oficiais: o chinés, o inglés, o malaio e o támil. É un dos cinco membros fundadores da Asociación de Nacións do Sueste Asiático (ASEAN), anfitrión da Secretaría da Cooperación Económica Asia-Pacífico (APEC) e membro da Cúpula de Asia Oriental, do Movemento de Países Non Aliñados e da Commonwealth.