Southampton

Southampton

Localización
50°54′24″N 1°24′16″O / 50.9067, -1.4044Coordenadas: 50°54′24″N 1°24′16″O / 50.9067, -1.4044
Estado	Reino Unido
País	Inglaterra
Rexións	Sudeste de Inglaterra - South East England
Condado cerimonial	Hampshire
Área	City of Southampton (en)
Capital de	City of Southampton (en)
Poboación
Poboación	271.173 (2016) (5.268,56 hab./km²)
Lingua oficial	lingua inglesa
Xeografía
Superficie	51,47 km²
Bañado por	River Itchen (en) , River Test (en) e Southampton Water (en)
Identificador descritivo
Código postal	SO
Fuso horario	UTC±00:00
Prefixo telefónico	023
Código NUTS	UKJ32
Outro
Irmandado con	Hampton, Virxinia Kalisz (pt) Trieste Kaliningrado Le Havre (1973–)
Páxina web	southampton.gov.uk

Southampton é a maior cidade portuaria da costa sur da Inglaterra. É a cidade máis próxima a New Forest e está entre Portsmouth e Bournemouth. Era unha localidade pertencente a Hampshire que pasou á condición de cidade na reorganización do goberno local do 1 de abril de 1997. Isto fixo a Southampton unha unidade administrativa, que engloba algúns distritos como Eastleigh, Portswood, Bitterne, Woolston e Millbrook.

Foi unha das moitas cidades británicas severamente bombardeadas durante a segunda guerra mundial. Por esta razón, varios monumentos históricos foron destruídos, pero aínda existe a antiga muralla da cidade, así como tamén a porta de Bargate, a maior entrada á cidade antiga no extremo norte da muralla. Southampton ten a segunda muralla da Idade Media máis longa que aínda se conserva de Inglaterra. A porta de Bargate é habitualmente usada como símbolo da cidade, sendo a súa imaxe o logotipo do goberno municipal. A parte central da cidade ten moitos grandes parques.

Na cidade están as sedes da Universidade de Southampton, da Universidade Solent Southampton e do centro comercial West Quay. Tamén aquí se atopa a Axencia Nacional de Mapeamento. O xornal local é o Daily Echo.

Southampton está identificada coa historia e o desenvolvemento marítimos, sendo o seu porto lugar habitual de saída de moitos cruceiros, como sucedeu co Titanic. Tamén é un porto de carga moi importante a nivel nacional.