Super Smash Bros.

Super Smash Bros.
Desenvolvedor(es)	HAL Laboratory
Distribuidora(s)	Nintendo
Produtor(es)	Satoru Iwata Hiroaki Suga Shigeru Miyamoto Kenji Miki
Deseñador(es)	Masahiro Sakurai
Compositor(es)	Hirokazu Ando
Lanzamento	Lista Nintendo 64 21 de xaneiro de 1999 26 de abril de 1999 19 de novembro de 1999 Consola Virtual 20 de xaneiro de 2009 12 de xuño de 2009 21 de decembro de 2009[1]
Xénero	Loita, Plataformas, Crossover
Modos de xogo	Un xogador, Multixogador
Clasificación	PEGI CERO USK
Plataforma(s)	Nintendo 64 Nintendo iQue Consola Virtual
Formato(s)	Cartucho
Serie	Super Smash Bros.
Na rede
http://www.nintendo.co.jp/n01/n64/software/nus_p_nalj/
[ editar datos en Wikidata ]

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Super Smash Bros., coñecido no Xapón como Nintendo All Star! Dairantō Smash Brothers (ニンテンドーオールスター！大乱闘（だいらんとう）スマッシュブラザーズ, Nintendō Ōru Sutā! Dairantō Sumasshu Burazāzu^?, lit. «Todas as Estrelas de Nintendo! Gran Estrondo de Irmáns» —da romanización en inglés como «Nintendo All Star! Grand Smash Brothers»—), é un videoxogo de loita desenvolvido por HAL Laboratory e distribuído por Nintendo para a Nintendo 64. Foi lanzado no Xapón o 21 de xaneiro de 1999, en América do Norte o 26 de abril de 1999, e en Europa o 19 de novembro de 1999.^[2] Super Smash Bros. é o primeiro xogo da saga Super Smash Bros., e foi seguido por Super Smash Bros Melee para a Nintendo GameCube en 2001, Super Smash Bros Brawl para a Wii en 2008, Super Smash Bros. para Nintendo 3DS e Wii U en 2014,^[3] e Super Smash Bros Ultimate para Nintendo Switch en 2018. Super Smash Bros. foi lanzado para a Consola Virtual de Wii no Xapón o 20 de xaneiro de 2009, en Europa o 12 de xuño de 2009 e en América do Norte o 21 de decembro de 2009.^[1]

O xogo pertence ao xénero de loita, sendo tamén un crossover de diversos e variados personaxes de diversas franquías de Nintendo, sendo estas as series de Mario, Donkey Kong, The Legend of Zelda, Kirby, Yoshi's Island, Star Fox, Pokémon, Metroid, F-Zero e EarthBound. Nas partidas xogan de 2 a 4 personaxes, xa sexan controlados por persoas ou pola propia consola (CPU), e competindo nun escenario aberto, no cal se se superan os límites establecidos, pérdese unha vida ou un punto (dependendo do modo de xogo no que se xogue). Ademais inclúense varios modos multixogador e outros para un só xogador.^[4][5]

Recibiu boas críticas desde os medios e chegaron a vender 8,7 millóns de copias, 2,93 millóns delas en Estados Unidos, e 1,97 millóns no Xapón.^[6][7]

1. ↑ ^{1,0 1,1} "500th Downloadable Wii Game Makes for a Smashing Holiday Season". Nintendo of America. 21 de decembro de 2009. Arquivado dende o orixinal o 24 de decembro de 2009. Consultado o 22 de decembro de 2009. 
2. ↑ "Super Smash Bros. for Nintendo 64". GameSpot. Consultado o 13 de decembro de 2007. 
3. ↑ "E3 2011: 'Super Smash Bros' anunciado para Wii U y Nintendo 3DS". 7 de xuño de 2011. Consultado o 7 de xuño de 2011. 
4. ↑ "Super Smash Bros. - Nintendo - Juegos". Nintendo Ibérica. Consultado o 5 de abril de 2011. 
5. ↑ Sakurai, Masahiro. "Reglas básicas". Smash Bros. DOJO!!. Arquivado dende o orixinal o 12 de abril de 2008. Consultado o 5 de abril de 2011. 
6. ↑ "US Platinum Game Chart". The Magic Box. Arquivado dende o orixinal o 06 de xaneiro de 2007. Consultado o 10 de abril de 2020. 
7. ↑ "Japan Platinum Game Chart". The Magic Box. Arquivado dende o orixinal o 07 de marzo de 2016. Consultado o 17 de xuño de 2008.