U-Boot

Un U-Boot é un submarino alemán da primeira guerra mundial, segunda guerra mundial ou posterior. O termo deriva do sistema da Mariña de Guerra alemá de nomear os seus submarinos cun U- seguido dun número, onde o U quere dicir Unterseeboot (literalmente, "barco submarino"), a palabra alemá para designar un submarino. Os obxectivos principais das campañas dos U-boot nas dúas guerras mundiais eran os navíos de carga que levaban subministracións e material bélico dende os Estados Unidos e o Canadá até Europa. Os submarinos do Imperio Austrohúngaro da primeira guerra mundial tamén se chamaban "U-boot".