Apache HTTP Servitor

Apache HTTP Servitor
instantia de: server software[*]
data de creation: 1995
sito web official: https://httpd.apache.org/
Commons: Apache HTTP Server

Le servitor HTTP Apache es un servitor HTTP de codice aperte pro platteformas Unix (BSD, GNU/Linux, etcetera), Windows e alteres, qui implementa le protocollo HTTP/1.1 (RFC 2616) e le notion de sito virtual.

Quando su disveloppamento comenciava in 1995, le programma se basava initialmente super le codice del popular NCSA HTTPd 1.3, sed posteriormente illo esseva rescribite completemente. Su nomine es debite al facto que originalmente Apache consisteva solmente in un collection de patches a applicar al servitor de NCSA. Illo esseva, in anglese, un patchy server (le pronunciation es identic a Apache server).

Le servitor Apache se disveloppa intra le projecto HTTP Server (httpd) del Fundation Software Apache.

Apache presenta inter altere characteristicas messages de error multo configurabile, bases de datos de authentication e negotiation de contento, sed illo esseva criticate per le manco de un interfacie graphic qui adjuta a su configuration.

In le actualitate (2005), Apache es le servitor HTTP le plus usate, essente le servitor HTTP del majoritate del sitos web in le mundo e crescente ancora su quota de mercato (statisticas historic e de uso quotidian proportionate per Netcraft).