Un isotopo[1] es un variante de un elemento chimic con un numero particular de neutrones. Tote le isotopos de un elemento ha le mesme numero de protones in cata atomo. Le termino isotopo es derivate del radices grec isos (ἴσος "equal") e topos (τόπος "loco"), significante "le mesme loco"; assi, le nomine significa que differente isotopos de un sol elemento occupa le mesme position in le tabella periodic del elementos.
Le numero de protones intra le nucleo del atomo es denominate le numero atomic e equala le numero de electrones in le atomo neutral (non ionisate). Cata numero atomic identifica un elemento specific mais non identifica le isotopo; un atomo de un elemento date pote haber numeros de neutrones multo differente. Le numero de nucleones (le protones e neutrones) in le nucleo es le numero de massa del atomo, e cata isotopo de un elemento date ha un numero de massa differente.
Per exemplo, carbon-12, carbon-13 e carbon-14 es tres isotopos del elemento carbon con le numeros de massa 12, 13 e 14 respectivemente. Le numero atomic del carbon es 6, lo que significa que cata atomo de carbon ha 6 protones, de sorta que le numeros de neutrones de iste isotopos es 6, 7 e 8 respectivemente.
Isotopo |
---|
instantia de: metaclasse del prime ordine[*] |
subclasse de: nuclido |
![]() |
|
Commons: Isotopes |