Poesia

Poesia
instantia de: literary form[*], disciplina academic[*]
subclasse de: obra litterari[*]


Commons: Poetry

Le poesia[1] es un forma de litteratura le qual usa qualitates esthetic e sovente rhythmic de linguage. Poesia es generalmente distinguite de prosa, litteratura sin qualitates poetic, e lyrica in musica, ma iste conceptos pote imbricar. Poesia es diffundite per recitation o scriptura.

Quasi tote societates human ha un tradition de poesia. Poesia forsan orginava como un methodo de memorar de historia, lege e credentias religiose ante scriptura, e traditiones poetic cruciava con musica traditional. Le poesia scribite plus antique es le Textos del pyramides, del Egypto circa 2,500 aEC. Altere poesias antique conservate notabile include le Conto del marinero naufragate de Egypto, le Epos de Gilgamesh de Mesopotamia, Shijing de China, le Vedas de India, le Gathas zoroastrian de Persa e le Iliade e Odyssea de Grecia.

Le prime scripturas re le theoria de poesia veniva del Grecia antique, inclusive Poeticas per Aristotele. Istos describeva le traditiones de poesia con drama e contos. In epochas ulterior, le theoria de poesia concentrava in rhythmo, usage de structuras poetic del tradition local, figuras phonetic como alliteration, assonantia e rima, e figuras litterari como ambuguitate, symbolismo e allegoria. Lo que es vidite como poetic varia in linguas e traditiones distincte. Per exemplo, rima es commun in poemas arabe ma rar in poemas latin. Nonobstante, traditiones poetic distincte sovente imprestava ideas de se e generes experimental de poesia defia expectationes traditional.

  1. Derivation (in ordine alphabetic): (ca) Poesia || (de) Poesie || (en) Poetry || (es) Poesía || (fr) Poésie || (it) Poesia || (pt) Poesia || (ro) Poezie || (ru) Поэзия

From Wikipedia, the free encyclopedia · View on Wikipedia

Developed by Tubidy