Republica islamic

Un republica islamic es un stato non-monarchic in qual islam tene un position de importantia particular. Per lor character republican, republicas islamic differe del statos islamic traditional, includente califatos, sultanatos e regnos islamic, que son omnes monarchias. Le republica islamic, como forma de governamento e stilo offical, data del seculo 20. Il ha actualmente quatro statos officialmente denominate republicas islamic: Pakistan (depois 1956), Mauritania (depois 1958), Iran (depois le Revolution Islamic in 1979) e Afghanistan (depois 2001). Quando Pakistan – al origine un stato secular create pro le musulmanes indian, est e west – adoptava le stilo de «republica islamic», il habeva nulle religion official; le stato legalmente privilegiate del islam data del Constitution de 1973, adoptate post le independentia de Bangladesh in 1971.

Varie formas de sharia, o lege islamic, son practicate in multe paises ubi musulmanes vive, specialmente in le dominio de lege civil (o ben unicamente in le dominio de lege familial a presso de familias musulman, como in Algeria, India, Indonesia, Marocco e le Philippinas). In general, islamistas e wahhabis advoca que sharia sia implementate de un maniera systematic e stricte, includente in le lege criminal. Nonobstante, le uso del sharia non es strictemente assimilabile al stato de un «republica islamic».