Romanid | |
---|---|
instantia de: | lingua artificial |
Phylogenese: |
|
Statuto official | |
Codices de position | |
ISO 639-3 | valor sin valor |
IETF ID | sin valor |
Romanid es un lingua artificial, create per le linguista hungare Zoltán Magyar. Le lingua es basate super le linguas romanic e intendite como un lingua zonal, assi que locutores de iste linguas pote comprender se sin studio anterior. Magyar publicava le prime version de Romanid in maio 1956 e un secunde version modificate in decembre 1957. In 1984 ille anque publicava un manual de conversation con un breve grammatica como supplemento. Iste ultime version es un poco simplificate in comparation con le versiones previe.[1]
Le lingua es basate super le parolas e expressiones le plus currente in francese, italiano, portugese e espaniol.[2] In iste respecto le Romanid es simile a linguas artificial como Interlingua e Lingua Franca Nova. Secundo le jornal russe Trud le structura de Romanid es "considerabilemente plus simplice e facile pro apprender que le Esperanto, multo diffendite durante le ultime annos".[3]
Non cognoscite es quante homines usa Romanid, sed il pare, que le lingua gaude de alcun popularitate inter hungaros.[4]