Vulpe

Vulpe
Un vulpe rubie (Vulpes vulpes) cubate in le nive
Classification scientific
Regno: Animalia Phylo: Chordata Classe: Mammalia Ordine: Carnivora Familia: Canidae
Generes:
Vulpes Cerdocyon †Dusicyon Lycalopex Otocyon Urocyon

Le vulpe^[1] es un mammifero omnivore de grandor parve a medie, pertinente a plure generes del familia Canidae. Le vulpes ha un cranio applattate, aures vertical e triangular, un muso punctute e legiermente recurvate e un cauda longe e spisse.

Dece-duo species pertine al gruppo monophyletic del "ver vulpes" del genere Vulpes. Circa 25 altere species actual o extincte es semper o alicun vices denominate "vulpes"; illos pertine al gruppo paraphyletic del vulpes sud-american o del gruppo peripheric, que se compone de Otocyon megalotis, del vulpe gris e del vulpe insular.^[2] Le vulpes vive super tote le continentes minus Antarctica. Le specie de vulpe le plus indisputabilemente commun e diffuse es le vulpe rubie (Vulpes vulpes) con circa 47 subspecies recognoscite.^[3] Le repartition global del vulpes, e etiam lor reputation de animal astute, ha contribuite a lor prominentia in le folklore e le cultura popular in multe societates del mundo. Le chassa al vulpe, practicate con le adjuta de canes, esseva un activitate establite in Europa durante multe tempore, specialmente in le Insulas Britannic, e esseva exportate in varie partes del Nove Mundo per le colonos europee.

1. ↑ Derivation (in ordine alphabetic): (ca) Guineu || (de) Fuchs (Raubtier) || (en) Fox || (es) Zorro || (fr) Renard || (it) Vulpini || (pt) Raposa || (ro) Vulpe || (ru) Лисица
2. ↑ (anglese) Macdonald, David W.; Sillero-Zubiri, Claudio, eds. (2004). The biology and conservation of wild canids (Nachdr. d. Ausg. 2004. ed.). Oxford: Oxford University Press. p. 49. ISBN 0198515561.
3. ↑ (anglese) Lloyd, H.G. (1981). The red fox (2. impr. ed.). London: Batsford. p. 21. ISBN 0-7134-11902.