Wikipedia:Como formatar texto

Wikipedia es un WikiWiki. Isto significa que omne persona pote facilemente modificar qualcunque articulo e publicar le modificationes immediatemente. Iste pagina es un referentia pro le marcation Wiki usate quando on modifica in modo wikitexto (le scheda "Modificar fonte" in cyma de cata pagina). Un alternativa es le uso del editor visual.

Es multo facile modificar un pagina Wiki, mesmo in modo wikitexto/fonte. Simplemente clicca super le ligamine "Modificar fonte" in le cyma de un pagina Wiki pro modificar lo. Iste action te monstrara un cassa de texto continente le texto modificabile de un pagina Wiki.

Scribe tu texto e, al fin, preme le button "Monstrar previsualisation" pro previsualisar tu modificationes ante de salveguardar los. Quando tu es satisfacite del texto scribite (e non antea), preme le button "Publicar modificationes".

Il poterea esser plus conveniente primo copiar e collar le texto in tu editor de textos favorite, modificar lo e verificar le orthographia ibi, e alora collar le texto in le navigator pro previsualisar. Assi, tu pote conservar un copia local del paginas que tu ha modificate, de sorta que tu pote facer cambios mesmo sin connexion al rete.

Al columna sinistre del tabula infra, tu pote vider qual effectos es possibile. In le columna dextere, tu pote vider como ille effectos es producite. In altere parolas, pro facer le texto haber le apparentia indicate in le columna sinistre, scribe lo in le formato que tu vide in le columna dextere.

Tu pote voler mantener iste pagina aperte in un fenestra separate del navigator pro consultation. Si tu vole experimentar cosas sin periculo de causar damnos, tu pote facer lo in le campo de probas.